ترحــيب حااااار بـ greed love

اهلاً وسهـــــلاً بعودتك الى المنتدى

ووووووين هالغيبه والله اشتقنا للمسة قلمك في هذا المنتدى

عسى المانع خيــر

اهلا وسهلا نور المنتدى

بجد المنتدى منور

بالحب الزايد والنور الزايد

ننتظر اسهاماتك معنا بفارغ الصبر

وكل عام وانت بالف خير

سنكون بأنتظارك

احبائي بالله السلام عليكم ورحمه الله وبركاته اولا اهنئكم واهنئ الامه الاسلاميه بحلول شهر الرحمه والمغفره والنور شهر رمضان ....
انا اعتذر عن غيابي وذلك للاشغال الشاقه التي ابتليت بها !؟
مش يروح فكركم للبعيد يعني .... لا يعني ضغط الشغل والضروف الصعبة التي ممررت بها.... وما حد بسأل ولا شي ؟ شو هالاصدقاء .... والا احلا من هيك !!! والحمدالله على شئ ( ومن يتق الله يجعل له مخرجا من حيث لا يحتسب ...) بس عنجد وحشتوووووووووووووووووووووونا وانشالله منشاركم اكتر من اول وشكري لا اعضاء الاعزاء وخلينا نشوف ابداعتكم ....
افطار هنيئا وشهيا ولا تنسونا من دعواتكم
حموده

الله يعطيك الصحه والعافيه يا رب اخي حموده والله يعيد رمضان عليك وعلى الامه الاسلاميه باليمن والبركه
اما عن شغلك فمعذور عزيزي لانه الشغل بالقائمه الاولى والله يعطيك العافيه ويسرلك الافضل والاحسن دائماومنورنا وجودك عزيزي الغالي
وبالفعل الك وحشه

[quote="لؤلؤة الخليج"]انابأنتظارك لأني بحاجة حدا معي

أنابحييك وبحيي شغل ورمضان كريم وكل سنة وانتا بخير

وانت بخير اهلا وسهلا فيك اخ عزيز يا شادي احنا كلنا معك وسمعنا شدا صوتك يا شادي وانشاالله تستفيد وتعم الفائده على الاكل
مشكور اخي شادي

اهلا حمودة
منور المنتدى

مين المتوحش حيب البي والله منوره بوجوك كيف يازعيم والله الك وحشه هيك ماتسال عن اخوك ..... عتبي بس اه اه ....
علفكره اذن المغرب ومش عارف شو بدي اكل هادي عيشه الله وكيلك نفسي صحن دوالي ويلا كبسه اوف على صحن ملفوف .....
شايف ضريبة الغربه

خلص لا تدور ولا علبالك تعال افطر عنا
عاملين محشي كوسا
وصنية جاج
لو ما لحقت اتخفش بخليلك حصتك
بس بشرط تيجي
هههههههههههههههههههههههههه
والله هلا بحمودة

مش بؤلك متوحش ايوه اقهر فيا محشي وصنيه بطاطا وانا هون بصوم بصوم وبفطر على بصل الحمدالله يعني و غيري محشي واوزي وسمك والذي منه ياسيدي الله كريم
يرزقكم من حيث لا تعلمون ربي ربي ....
والله وهلا بي المتوحش :)

والله حاسس فيك يا خوي يا حموده لاني مجربها 6 سنوات مره وحده وعارف مرارها
يعني كل ما يجي الواحد بدو يفطر بتنكد
بس الله يصبرك يا عزيزي
واتحمل ان الله مع الصابرين
ومنور المنتدى بوجودك

اهلين عقيد انا دايما بقول انت الي فاهمني يا خ اعلم اني احبك في الله اه والله بل احبكم .... يعين الله شو بنا نعمل هيك سنه الحياه ولو سمحت لا حالك الي منور وانت شمعة المنتدى ماشي ياجنتل
تقبل احترامي
:)

يا اخي سبحان الله بالفعل المحبه من الله سبحانه وتعالى واني والله احبك في الله من اول تسجيلك بالمنتدى من قبل تعرفي اليك
والله يديم المحبه بين الجميع
وانا عتبي عليك بس انه ما بطمنى عنك لو برساله وحده بعرف انه الشغل ماخذ كل وقتك بس اتذكر انه اخوانك واخواتك بالمنتدى الهم عليك حق بالاطمئنان عليك
وانتا احلى شمعه بالمنتدى عزيزي
والله يقويك بغربتك ويزيدك من نعيمه

اخ اخ الي بدري بدري ويلي ما بدري بئول كف عدس اعتب على مين ويلا مين...
الحمدالله الذي كتبلي عمر جديد انت متصور شو صار فيه الاغرب من هيك انو انا ما صارلي شي كتير او بالاحرا اني بعدني عايش اكيد الحمدالله بس انو الي صار كتير صعب ماشي بسياره بامان الله شارع الامارات عاسرعه 130 الوضع عادي شو الي صار العجل الخلفي فقع! والعجل التاني لحقه وتالت كمان طبعا من جنبي سياره ومن خلفي سيارات ومن ادامي سياره شو عملت رفعت الهند برك المهم صارت كارثه وانو صحيت بعد 3 ايام ايدي مكسوره وراسي ملفوف كتفي مخلوع وانا لا حالي يا خوي وينكم عني ..... وضاقت بيا الدنيا وحي نفسي ماذا افعل هنا...! المهم كتمت على الموضوع نهائيا علشان الاهل طبعا والحمدالله انو اجت على هيك وانا هلا متل الفل ما في شي والحمدالله على كل شي. ليسا عتبان علي يا نور العين ....!

greed love كتب:مش بؤلك متوحش ايوه اقهر فيا محشي وصنيه بطاطا وانا هون بصوم بصوم وبفطر على بصل الحمدالله يعني و غيري محشي واوزي وسمك والذي منه ياسيدي الله كريم
يرزقكم من حيث لا تعلمون ربي ربي ....
والله وهلا بي المتوحش :)

بجد بعتذر ومعاك حق
لاني جربت الغربة وجربت كيف يعني ان الواحد يفطر لحاله
بس ربك كريم حمودة اولاد الحلال كثار كانوا لما ما يعزموني يجيبزا فطورهم ويعزمو حالهم عندي

حمودة الدنيا لسة بخير

وحدو الله مالكم هلا بعيط .... هاهاها بس بعجبك بي الطبخ معلوم... بطبخ مقلوبه ومعكرونه وكلايه بيض وبندوره مفرقة بطاطا
مرا اجا عبالي منسف والله واعمل منسف يا ابو حميد وعمل وحط وكله تمام بس الغريب انه طلع مهلبيه او رز وحليب ميش عارف بزبط ولا احلا من هيك

والله منور المنتدى حمودة بس بدي احكيلك وين مابتنعزم طبعآ انا معزوووووووووومة معك ة

شو حمودة انت لحالك بتعرف تطبخ ؟؟؟ وانا كمان اعجبك في الطبيخ
رمتني الغربة انا وشب مصري الله يذكره بالخير وين ما هو
المهم اتفقنا على انا ننزل نشتري ادوات المطبخ ونعمل اكل بدل اكل المطاعم
ربنا الله هو في الاول سالني : بتعرف تطبخ ؟؟؟ حكيت سيد الطباخين .. محسوبك شيف ولا الشيف رمزي
المهم بعد ما رجعنا الشقة كنا تعبانين هو راح الحمام اخذ دش وانا رجعت قشرت البطاطا والبصل وفرمت البندورة قطع قطع بعد ما قطعت الدجاجة ونظفتها
وزي ما كنت اشوف عنا بالبيت رصيت البطاطا على الصنية ووزعت الدجاجة عليها وحطيت البندورة والبصل فوقيهم وبالطبع ملحت وبهرت وكنت داهن الصنية بشوية سمنة وحطيت الصينية بالفرن
المفروض بعد فترة اطلعها من الفرن صينية واحنا بنسميها (دبسية)
طلعت الدبسية وجبت شوية مخلل وفليفلة وندهت صاحبي يتغدى
ربنا الله ... اكل ... بس مجبر .. كان قاتله الجوع
بعديها بيقوللي شوف يا صاحبي : على العشا شوفلك شريك غيري .. انا تحسبش حسابي . ساعتها بس افهمت ان الاكل مكنش مستوي
حمودة وثق هذي الايام لانك رح تتذكرها وتشتقلها كثير

اول شي الله يصبر كل مغترب على غربته
وثاني شي الف الحمدلله على السلامه خيي حموده وما عليك شر يا رب
اهم شي انك بصحه وعافيه احسن من كل شي ثاني
ومره اخرى الف الحمدلله على السلامه
وما بدي احكيلكم عن ايام الغربه تبعتي والخبايص الي كنت اسويها هههههههههههههه
تنذكر ولا تنعاد
بس اكيد كانت ايام حلوه

منور بوجودك بيسان خلص تكرم عينك بس لما انعزم اول بعدين بصير حكي تاني ؟:
شو بدك احلا من هيك مغامرات ياه .. لا بس صرت طباخ غير شكل تعرف تلف دوالي....

انا اكيد لأ ...!!!بس بعمل سمك صنية لحمه باميه ... خلص بكفي هو مطول ادان المغرب ... يالله

منور بوجودك بيسان خلص تكرم عينك بس لما انعزم اول بعدين بصير حكي تاني ؟:
شو بدك احلا من هيك مغامرات ياه .. لا بس صرت طباخ غير شكل تعرف تلف دوالي....

انا اكيد لأ ...!!!بس بعمل سمك صنية لحمه باميه ... خلص بكفي هو مطول ادان المغرب ... يالله

الله يسلمك ويطول عمرك
بضلها ذكريات حلوى مع انها صعبه بس هاد الشي الي بيعطيها حلاوتها
شكرا كتير