تعالوا نبيع فلسطين

تعالو نبيع فلسطين مو صــــــــــــــــــــــعبة ...

هيك بقولوا اللي بدهم يبيعوا فلسطين

ما بيعرفوا قيمتها!!

تعالوا نبيع فلسطين ...

راح نزعل سنتين ...

بس راح نريح بالنا من مناظر التدمير ...


من مناظر التعذيب القتل و التفجير ...


كم أم ضاع ابنها من بين ايديها؟

كم شب ضاع عمره عشان التحرير؟

لو بعناها راح ترجع زي ما كانت فلسطين ...

ممكن يغيروا اسم فلسطين ...

بس شو بدنا بالاسم المهم تكون بسلام ...


بنصير نروحها سياحه ...

بتصير كلها صياعه و فياعه ...

ببطل عنا وطن نحارب عشانه ...

بنبطل نقعد بالساعات نصمم صور تقطع قلب الصخر ...

بتبطل دمعة طفل تنزل من الخوف ...

ممكن يقلعوا شجر الزتون ...

يزرعوا شوك وزقوم ...

ممكن راح ننسى ريحة البرتقال و الليمون ...

بس راح يرجع الامن لفلسطين ...

ممكن الاقصى يهدموه ...

وراح ننسى آذانه والصلاه فيه ...

بس راح يرتاح من التعذيب اللي هو هسا فيه ...

تعالوا نوقع على بيع فلسطين ...

اصلا شو بدنا نبيع ...؟

جثث ودم وبيوت مهدومه ..؟؟

سيوف وخيول من الانتظار تعبانه ...؟؟

خوف بقلوب ناس بريئه ...؟؟

صوت شهيد بينادي على رجال خايبه ...؟
وعلى ضمائر مقتوله ... ؟؟

على نخوه مش موجوده ...سجون بالمظلومين مليانه ...؟؟

رمال من دم الابرياء رويانه ...؟؟


اشعار بالدم مكتوبه ...؟؟

شو بدنا نبيع...؟

الألم ...

الخوف ...

الذل ...

القتلى ...

الاسرى ...

الشجر ...

الرمل ...

الصبر ...

بس احنا بنقول:

ولا الوطن اللي بعتوه من زمان ...

بعتوه لما سكتوا على قتل شيوخ اطفال و نساء ...

سكتوا لما انتزعوا وطنا ..

لما شردونا وعيشونا بملاجئ ...

لما بقينا ننادي وننادي و ماحدا سامع ...

لما بقينا نتعذب والكل خايف منا يقرب ...

انتوا بعتوا فلسطين ...
هانت عليكم وبعتوها ...
بس احنا راح ندافع عنها لو كل العالم ضدنا ...

لو اجبرونا على بيعها ...

بنبيع روحنا وما بنبيعها ...

ماراح ابيع حبة رمل منها ...

فلسطين راح ترجع على ايدينا ...

فلسطين راح ترجع وروسنا راح تضل مرفوعه ...

فلسطين راح ترجع ...

والكل يسمع ..

فلسطين راح ترجع

والله لو بنلف الدنيا كلها ما في مثل فلسطين
رغم وجعها شموخها عالي
وفينا انشالله رح تكون
وكل فلسطينى يفتخر ... ولى مش عاجبه ينتحر


ماراح تنباع مادام فيها رجال عاهدوا الله وابطال الحجاره و العلم خفاق يرفرف فى العلالى
فالنصر آت طال الزمان ام قصر

لكم الله يا أهل فلسطين " طفل مؤثر "

ماراح تنباع مادام فيها رجال عاهدوا الله وابطال الحجاره و العلم خفاق يرفرف فى العلالى
فالنصر آت كال الزمان ام قصر

يارب يحميها لي بموت ما بيموت هو شهيد والي بصير للاهل فب لبلاد ماهو كثير ع بلادنا روح بترخص كرمالها

معك حق بيسان ... فلسطين اسم لن ينسى
واهلها دفعوا ثمن فلسطينيتهم
وشرف انتمائهم لها
اسعدني مرورك بيسان

يسلموووووووووووووووو يا احلى اسعد