الجاروشة - نهاية القمح وبداية الرغيف

الجاروشة .. الرحى .. الطاحونة .. من الأدوات التراثية المنزلية التي لا يكاد قديما يخلو منها بيت فلسطيني وحديثا في معارض التراث الشعبي وعلى صفحات كتب الفولكلور الفلسطيني الأصيل،

هي حكاية ورواية النسوة وهن في ساعات الصباح ومع اشراق الشمس وأشعتها التي تعلن بداية يوم عمل من مسؤوليات الزوجة في المنزل لإعداد رغيف خبز أو لقمة طعام نقية تحمل قيمة غذائية كاملة من القمح أو البرغل أو الفريكة أو العدس والشعير والمفتول والحساء والحصيدة والزميتة والذرة.

هي من الأشياء الضرورية تصنع من حجر أسود مصنوع من صخور بركانية بازلتية بقطعتين اسطوانية الشكل إحداهما أكبر من الأخرى وهي القاعدة ويوضع في وسطها عمود من الخشب يركب بمهارة بعد حفر مكان له، والقطعة الأخرى بقطر نفس قطر القاعدة لكن يوجد بوسطها فتحة دائرية الشكل تسمح للعمود الخشبي المركب بالقاعدة بالدوران، وتحرك الإسطوانة العليا بيد جانبية بحركة دائرية محورها العمود المثبت على القاعدة حيث يوضع الحب المراد طحنه من خلال الفتحة الدائرية التي بوسط الإسطوانة العليا فيتسرب الحب بين الإسطوانتين الحجريتين وينطحن أثناء ذلك.هي عملية شاقة للنسوة اللواتي يجلسن لساعات طويلة وتحتاج إلى جهد جسماني وللتخفيف من عناء العمل

كن يرددن بعض الأهازيج الشعبية:-

أنا يا رحى ووين نطريك يخطر الغيبا علينا
ينهال الدمع ويجيك دقيقك عجينه.


ومن أغاني الجاروشة والرحى أيضا:-

عز الولد عقال وازناد
وعز البنات الرزينة وعز الوطن سيل براد
يخلف نواوير زينة
يا ريتني طير وانطير
وجناحي على الارض هافي
نجي لحوشكم يا غوالي انعيد ونقلع أريافي
ما تجي محبة بغصب ولا بد من عند جافي
زين النخل في العراجين وزين المرا في السوالف وزين الذهب في الموازين


وفي النهاية إن الجاروشة تنصب بقسوة على حبة قمح لتخلف لين عيش يؤمنه رغيف وبدورانها تعيدنا إلى الماضي حيث المحبة والمودة بين أهل القرية الواحدة تطير بجناحيها تحمل للوطن كل وردة وابتسامة وفرح.

والله زمان عن الجاروشه
انا شفت الجاروشه كان عند بيت سيدي زمان وحده بس هسا ما بعرف وين هيه
بس بالفعل شي حلو كثير بعبر عن فلسطين لأنه مثل ما ذكرت انه ما كان تقريبا بيت فلسطيني ما عنده جاروشه
الله يرحم ايام زمان
يسلمو يا اسعد على موضوعك الجميل
دمت بألف خير عزيزي

يسلمو ع المعلومات الحلوة وانا بحب شكلها كتير بس امي بتحكي انها متعبه كتير لانه بيعملو عليها طحين عشان يخبزو

issa كتب:والله زمان عن الجاروشه
انا شفت الجاروشه كان عند بيت سيدي زمان وحده بس هسا ما بعرف وين هيه
بس بالفعل شي حلو كثير بعبر عن فلسطين لأنه مثل ما ذكرت انه ما كان تقريبا بيت فلسطيني ما عنده جاروشه
الله يرحم ايام زمان
يسلمو يا اسعد على موضوعك الجميل
دمت بألف خير عزيزي

شكرا عيسى لمرورك
اليوم استبدلوها بخلاط المولينكس

كانو زمان يا بيسان ولو انتي بكر امك اكيد امك بتكون سمعت عنها وما شافت تعبها
فعلا كانت اداة اساسية في البيت
وكانت تكسر الظهر
بس بتظل جزء من التراث ويجب الحفاظ عليه
اسعدني مرورك بيسان

والله يا اسعد انا بحكي انه المرأة كانت زمان مش هسا
يعني كانت بحق مرأة مش مثل بنات هالايام كل شي بدهم اياه جاهز
الله يرحم نسوان زمان

والله معاك حق يا عيسى
الله يرحم نسوان زمان

لا وحياتك اسعد كانو يشتغلو عليها وكمان امي داكرة ايام لبلاد وعشان آكد كنا نزرع احنا قمح وابوي كان مزارع

بيسان كتب:لا وحياتك اسعد كانو يشتغلو عليها وكمان امي داكرة ايام لبلاد وعشان آكد كنا نزرع احنا قمح وابوي كان مزارع

اصلا يا بيسان من يوم ما تركنا الزراعة الارض قلت بركتها
حاليا بلدنا فيها حوالي 12 الف نسمة
سالت عن الجاروشة ذكرولي اياها عند وحدة عجوز عمرها 85 سنة
وفي الغالب بتلتم الجارات عندها على الجاروشة
اللي بتكون جايبة عدسات واللي بتكون جايبة فريكات ولا قمحات تعملهم سميد
يعني ان غابت عنك بيكونو عاملينها زي ديوانية

انا كنت شوف النسوان الكبار بالعمر لما كانن يشتغلن عليها عنجد انها شي حلو كتير وبحس الواحد بالبساطه ولما كانو يعملو الخبز من القمح او الشعير اللي كانو يخرجو من الجاروشه تحس بنكهه مختلفه وانو هالشي اجا بعد تعب وجهد والله تحس كمان بالبساطه والحياه الهاديه شعور حلو كتير احلى ايام ايام زمان كانت البركه موجوده باي شي بس اليوم الله يعين الناس

كازم كتب: انا كنت شوف النسوان الكبار بالعمر لما كانن يشتغلن عليها عنجد انها شي حلو كتير وبحس الواحد بالبساطه ولما كانو يعملو الخبز من القمح او الشعير اللي كانو يخرجو من الجاروشه تحس بنكهه مختلفه وانو هالشي اجا بعد تعب وجهد والله تحس كمان بالبساطه والحياه الهاديه شعور حلو كتير احلى ايام ايام زمان كانت البركه موجوده باي شي بس اليوم الله يعين الناس

شرف كبير الي اخ كازم تكون دخلتك ومساهمتك الاولي في موضوعي
وفعلا مفيش مثل البساطة والهدوء وراحة البال
وربي يطرح البركة فيك وفي عمرك

شكرا لك اخي اسعد وانا سعيد بيك وهاذا شرف كبير الي اكون بينكم ومعكم هون وانشالله وطن به رجال مثلكم لن يهزم باذن الله ولن ينسى عاشت فلسطين وعاش رجالها واهلها الصابرون

اسعد بيت جيرانا عندهم وحده بس مو كبار ورثوها وبيعملو لحد اليوم عليها

شكرا كازم واهلا وسهلا فيك

بيسان ... شو رايك جاروشة جيرانكم تسلفينا اياها بيوم التراث ؟؟؟
واذا ما فيها غلبة صوريلنا اياها وهي ستك بتجرش عليها....

ان شاء الله مو تكرم مع اني عمري ما حكيت مع جارتنا بس يوم الحصيدة بصورلك اياها
وكمان في عنا مناجل ازا بتعرفهم اصورهم
ومحماسة كنا نعمل عليها قهوة
وكانت كمان عنا مطحنة قهوة شو رأيك محنا شيوخ *******عرب **

شوفي يا بيسان
اختبار الك
شو الفرق بين المنجل والكالوشة ؟؟؟؟؟

زمان وانا صغير كانوا يركبوني على حمالة القمح
كثير كانت الركبة حلوة بين غمور القمح
بس في الرجعهة بعد ما اكون فسخت الحمل
يضطروا يربطوني على ظهر الفرس خوف اوقع
هههههههههههههههههههههههههههههههه
والله ايام
يا من ترى بيض الليالي بيهلين ؟؟؟؟؟؟؟؟؟؟

الكالوشة !!!!!!!!!!!!!

اه يا فاليوم
الكالوشة
ليش مستغرب ؟؟؟؟

شو هي الكالوشة ... اذا ممكن تزودنا بصورة لها

معلش فاليوم نستنى بيسان
عشان السؤال اصلا الها مش الك
عدم المؤاخذة يعني

اوكييييييييييييز عدم المؤاخذة

اوعى ليكون زعلت؟؟؟؟
اذا ما جاوبت بيسان رح اجاوبك

بانتظار بيسان ...

رح اجواب بس اسأل امي وازا عنا رح صورها اوك
بس اعتقد هي زي المنجل بس بتكون اوسع فاتحة اكتر من المنجل لانه في عنا غير المنجل شي تاني يمكن هو او يمكن بنسمي غير بسأل امي