هي الاخلاق راحت فين دعوة للنقاش

بسم الله الرحمن الرحيم


لسلام عليكم ورحمة الله وبركاته
حبيت أفضفض شوية معاكم فياريت تستحملونى

حصل كام موقف كده أكيد مروا عليكوا
هدخل فى الموضوع على طول
================================
كنت راكب أتوبيس عادى زى كل الناس ركب راجل كفيف والأتوبيس كان مزدحم كعادة المواصلات المصرية
المهم أنا فى أول الأتوبيس والراجل راكب فى أخر الأتوبيس
وماشاء الله يعنى معظم اللى قاعدين رجالة وشباب زى الفل كل واحد ماسك سيجارة وعينه على البنت اللى واقفه
ومفيش واحد اتحرك مجرد الحركة عشان يساعد العجوز المسكين ده أو يقوم عشان يقعده مكانه
قال الحبيب الأعظم صلى الله عليه وآله وسلم :

ماأكرم شاب شيخاً لسنه إلا قيض الله له من يكرمه عند سنه .
هى الأخلاق راحت فين؟؟؟
=============================

موقف تانى
راكب ميكروباص (سرفيس) المرة دى
وفجأة حصلت حادثة
شاب صغير ومعاها بنتين الواضح إنهم إخوته بيعدوا الشارع وهب صدمتهم السيارة فحصل اللى حصل
ببص على سواق العربية ملقتوش
هرب طبعا
هو لو كان وقف مش كان ممكن يوديهم المستشفى؟
هى الأخلاق راحت فين؟؟؟
قال الحبيب الأعظم صلى الله عليه وآله وسلم :

خير الأصحاب عند الله خيرهم لصاحبه وخير الجيران عند الله خيرهم لجاره .==========================
موقف تالت
ماشى فى الشارع ذاهب إلى المد رسة فى أمان الله
لقيت ناس بتجرى وشباب فرحانة
عرفت أخيرا إنها خناقة
إتضح إنها خناقة بين ولد وبنت
والولد نازل ضرب فى البنت والناس حولهم تتفرج عليهم وبس
معقول؟؟؟؟؟
انا مش مصدق عينى
هى الأخلاق راحت فين؟؟؟
قال الحبيب الأعظم صلى الله عليه وآله وسلم :

أقربكم مني مكانةً يوم القيامة أحسنكم أخلاقاً بين الناس .
========================
موقف رابع
ودى بتحصل كتير
شباب أصحاب بيقابلوا بعض
بدل ما يسلموا على بعض بالإيد
بيقولوا لبعض
إزيك يا إبن الـ........!!!!! طبعا أنتم عارفين الباقى !!!!!
هى الأخلاق راحت فين؟؟؟ قال الحبيب الأعظم صلى الله عليه وآله وسلم :

ليس المؤمن بطعّان ولا لعّان ولا فاحش ولا بذيء
=======================
ومواقف كتير أوى
مش عاوز أصدعكم أكتر من كده

المفيد...
إيه السبب فى اللى وصلناله؟
إيه السبب فى الإنحطاط الأخلاقى اللى بقينا فيه؟
(طبعا الدنيا لسه فيها خير)
إيه اللى غيرنا كده؟؟؟ ما هو سبب وصولنا إلى هذا الإنحطاط وقلة الأخلاق ؟؟
========================
بس هل السبب
قلة تربية؟
ولا قلة تدين؟
ولا الظروف الإقتصادية؟
ولا ولا ولا؟